3-yanvar kuni ijtimoiy tarmoqlarda Samarqandning Ishtixon tumanidagi 3-maktab 10-sinf o‘quvchisi S.Q. 28-dekabr kuni maktab direktori o‘rinbosari uni turtib yuborgani uchun ikkinchi qavatdan qulab, jarohat olgani haqida videoyozuv tarqaldi.
Ushbu holat yuzasidan Ishtixon prokuraturasining ma’lum qilishicha, 28-dekabr kuni soat taxminan 13:00 da S.Q. tuman tibbiyot birlashmasining qabul bo‘limiga yopiq KST, bosh miya chayqalishi, o‘ng bilak suyaklarining distal oxiridan yopiq sinib siljishi, chap chakka, chap yonoq va chap ko‘z atrofi yumshoq to‘qimasining lat yeyishi jarohatlari bilan kelgan.
3-yanvar kuni S.Q.ning otasi Ishtixon tumani IIB boshlig‘i nomiga farzandi jarohat olgani yuzasidan ariza bilan murojaat qilgan. Holat yuzasidan IIB tomonidan tergovoldi tekshiruv olib borilmoqda, tekshiruvning borishi Samarqand viloyati prokuraturasi tomonidan nazoratga olingan.
Izoh (0)