«Реал» футбол клуби ҳужумчиси Карим Бензема Испания чемпионатининг ортда қолган ўн йиллигида сезиларли сермаҳсуллик кўрсатди.
Opta маълумотларига кўра, франциялик футболчи 2010—2019 йиллар оралиғида Примерада 155 та гол урган ва 75 та самарали узатмага муаллиф бўлган. Бу Ла Лигада «Барселона» ҳужумчиси Лионель Месси ва «Реал» собиқ ҳужумчиси Криштиану Роналдудан кейинги энг яхши натижа ҳисобланади.
Бензема мадридиклар сафида 2009 йилдан буён тўп суриб келади. У «Реал» билан Испания чемпионига айланган, икки мартадан мамлакат Кубоги ва Суперкубогида зафар қучган. Бундан ташқари Бензема Испания чемпионатида 150 та гол урган илк франциялик футболчи ҳисобланади.
Янада кўпроқ футбол ва спорт янгиликларидан бохабар бўлишни истасангиз, «Дарё»нинг Telegram’даги расмий спорт канали — @daryo_sport’га обуна бўлинг!
Изоҳ (0)