Toshkent shahar Chilonzor tumani Bunyodkor ko‘chasida 25-dekabr kuni soat 17:00 atrofida to‘rtta avtomobil — “GAZ 3302”, Damas, Lacetti va “VAZ 2106” ishtirokida yo‘l-transport hodisasi sodir bo‘ldi. Bu haqda Toshkent shahar IIBB ma’lum qildi.
Xabar berilishicha, YTH oqibatida “VAZ 2106” haydovchisi va uning to‘rt nafar yo‘lovchisi, Lacetti haydovchisi va uning uch nafar yo‘lovchisi, shuningdek, Damas yo‘lovchisi turli darajadagi tan jarohatlari olgan va shifoxonaga yetkazilgan.
Ma’lum qilinishicha, YTHga Lacetti haydovchisi, 20 yoshli T.M.ning Bunyodkor — Baynalminal ko‘chasi bo‘ylab katta tezlikda harakatlanayotib, boshqaruvni yo‘qotgani sabab bo‘lgan.
Boshqaruvi izdan chiqqan mashina beton to‘siqni oshib o‘tib, qarama-qarshi yo‘lga o‘tib ketgan va uchta mashina bilan to‘qnashgan. Ayni paytda tergovoldi harakatlari davom etmoqda.
Izoh (0)