Давлат статистика қўмитаси эълон қилган маълумотларга кўра, 2019 йилнинг январь—ноябрь ойларида республикада автомобиль бензини ишлаб чиқариш ҳажми ўтган йилнинг шу даврига нисбатан камайган.
Ҳисоботда 2018 йилнинг шу даврида 1 053,0 минг тонна бензин ишлаб чиқарилгани, 2019 йилда бу рақам 926,2 минг тоннага тушгани акс этган.
Дизель (солярка) ишлаб чиқариш ҳажмида ҳам пасайиш кузатилган. 2019 йилда 930,8 минг тонна, 2018 йилда эса 985,7 минг тоннани ташкил этган.
2019 йилнинг 11 ойи давомида нефть қазиб олиш ҳажми ҳам 2018 йилнинг мос даврига нисбатан қисқарган ва 684,4 мингдан 640,1 минг тоннага тушган.
Газ қазиб олиш ҳажми ҳам 2018 йилнинг мос даврига нисбатан камайган.
Жорий йилнинг январь—ноябрь ойларида 1,91 миллион тоннадан кўпроқ газ конденсати қазиб олинган, 2018 йилнинг мос даврида ушбу рақам 1,95 миллион тоннани ташкил этган.
Шунингдек, Давлат статистика қўмитасининг ҳисоботида 2019 йилнинг январь—ноябрь ойларида қанча енгил автомобиль, юк автомобили, тракторлар ишлаб чиқарилгани ҳақида ҳам маълумот берилган.
Изоҳ (0)