Jismoniy shaxslarning bankdagi omonatiga band solinishi haqidagi xabar ularga oldindan aytilmaydi. Balki taqiq qo‘yilganidan keyingina yetkaziladi. Shuningdek, omonatlar to‘g‘risida ayrim davlat organlariga ma’lumot berilishidan ham omonatchilar boxabar etilmaydi. Bu haqda 17-dekabr kuni Axborot va ommaviy kommunikatsiyalar agentligida Majburiy ijro byurosining navbatdagi matbuot anjumanida ma’lum qilindi, deya xabar bermoqda “Daryo” muxbiri Mirolim Isajonov.
“‘Bank siri to‘g‘risida’gi qonunga ko‘ra, jismoniy shaxslarning bankka qo‘ygan omonatlari bo‘yicha tergov va soliq organlari, hisob palatasi o‘ziga yuklatilgan vazifalarni bajarish uchun ma’lumotlarni olishi mumkin. Lekin summa miqdori aytilmaydi. Agar omonatdagi buyumlar xatlanmagan bo‘lsa, ularni xatlash vakolatiga ega tashkilotlar taqiqlolmaydi”, — dedi Markaziy bank departamenti direktori o‘rinbosari Shavkat Rasulov.
Markaziy bank vakilining aytishicha, hozirda bu tartib bo‘yicha qonunga o‘zgartirish kiritilmoqda. Ya’ni qarzdorlarni oldindan ogohlantirish tizimi yo‘lga qo‘yilishi rejalashtirilmoqda.
Mavzuga doir: Toshkentda alimentdan qariyb 27 mln so‘m qarzi bor fuqaro Range Rover’i xatlanishidan oldin qarzidan qutuldi
Izoh (0)