Жисмоний шахсларнинг банкдаги омонатига банд солиниши ҳақидаги хабар уларга олдиндан айтилмайди. Балки тақиқ қўйилганидан кейингина етказилади. Шунингдек, омонатлар тўғрисида айрим давлат органларига маълумот берилишидан ҳам омонатчилар бохабар этилмайди. Бу ҳақда 17 декабрь куни Ахборот ва оммавий коммуникациялар агентлигида Мажбурий ижро бюросининг навбатдаги матбуот анжуманида маълум қилинди, дея хабар бермоқда «Дарё» мухбири Миролим Исажонов.
«‘Банк сири тўғрисида’ги қонунга кўра, жисмоний шахсларнинг банкка қўйган омонатлари бўйича тергов ва солиқ органлари, ҳисоб палатаси ўзига юклатилган вазифаларни бажариш учун маълумотларни олиши мумкин. Лекин сумма миқдори айтилмайди. Агар омонатдаги буюмлар хатланмаган бўлса, уларни хатлаш ваколатига эга ташкилотлар тақиқлолмайди», — деди Марказий банк департаменти директори ўринбосари Шавкат Расулов.
Марказий банк вакилининг айтишича, ҳозирда бу тартиб бўйича қонунга ўзгартириш киритилмоқда. Яъни қарздорларни олдиндан огоҳлантириш тизими йўлга қўйилиши режалаштирилмоқда.
Мавзуга доир: Тошкентда алиментдан қарийб 27 млн сўм қарзи бор фуқаро Range Rover’и хатланишидан олдин қарзидан қутулди
Изоҳ (0)