“U yerda sudlashmagan odamning o‘zi yo‘q”.  Yulduz Usmonova Turkiyadagi prodyuserlari bilan sudlashyaptimi? (video)

O‘zbekiston va Qoraqalpog‘iston xalq artisti Yulduz Usmonova “Daryo” internet-nashri uchun eksklyuziv intervyu berdi. Intervyuni jurnalist Feruz Muhammad tashkillashtirdi.

Yulduz Usmonova suhbat davomida Turkiyada yashab, ijod qilib yurgan vaqtlarida “u yerdagi prodyuserlar bilan tuzgan shartnomalarini bajarmay yurgani uchun, sudlashmoqda”, mazmunidagi gap-so‘zlarga oydinlik kiritdi.

Turkiyadan qaytganimdan keyin, albom yozishim kerak bo‘lgan. O‘sha paytda  meni bu yoqdan chiqarmay qo‘yishgan edi. Men esa borib ishlashim kerak bo‘lgan. Keyin u albatta bizga da’vogar bo‘ldi. Davlat chiqarmasa, sen borib davlat bilan kelish dedik. Bu ishlar ham oxiriga yetib qoldi.

Prodyuserlar o‘zi shunaqa, bepul san’atkorlani ustidan minishni yaxshi ko‘rishadi. Bu endi o‘zimizni muammo. Turkiyada bu masala yuzasidan sudlashmagan odamni o‘zi yo‘q. Mualliflik huquqi bor joyda, bu narsa bo‘laveradi. Prodyuser bir tiyin pul tikmasdan san’atkorni ustidan xo‘jayin bo‘lishni xohlaydi. Lekin, qandaydir sodda odam emasman-ku.

Yulduz Usmonova, O‘zbekiston va Qoraqalpog‘iston xalq artisti