«У ерда судлашмаган одамнинг ўзи йўқ».  Юлдуз Усмонова Туркиядаги продюсерлари билан судлашяптими? (видео)

Ўзбекистон ва Қорақалпоғистон халқ артисти Юлдуз Усмонова «Дарё» интернет-нашри учун эксклюзив интервью берди. Интервьюни журналист Феруз Муҳаммад ташкиллаштирди.

Юлдуз Усмонова суҳбат давомида Туркияда яшаб, ижод қилиб юрган вақтларида «у ердаги продюсерлар билан тузган шартномаларини бажармай юргани учун, судлашмоқда», мазмунидаги гап-сўзларга ойдинлик киритди.

Туркиядан қайтганимдан кейин, альбом ёзишим керак бўлган. Ўша пайтда  мени бу ёқдан чиқармай қўйишган эди. Мен эса бориб ишлашим керак бўлган. Кейин у албатта бизга даъвогар бўлди. Давлат чиқармаса, сен бориб давлат билан келиш дедик. Бу ишлар ҳам охирига етиб қолди.

Продюсерлар ўзи шунақа, бепул санъаткорлани устидан минишни яхши кўришади. Бу энди ўзимизни муаммо. Туркияда бу масала юзасидан судлашмаган одамни ўзи йўқ. Муаллифлик ҳуқуқи бор жойда, бу нарса бўлаверади. Продюсер бир тийин пул тикмасдан санъаткорни устидан хўжайин бўлишни хоҳлайди. Лекин, қандайдир содда одам эмасман-ку.

Юлдуз Усмонова, Ўзбекистон ва Қорақалпоғистон халқ артисти