Tojikiston fuqarosi o‘ziga tegishli bo‘lmagan pasport bilan O‘zbekistonga kirmoqchi bo‘ldi. Bu haqda “Sarhad.uz” xabar berdi.
DXX Chegara qo‘shinlari harbiy xizmatchilar tomonidan joriy yil 2-dekabr kuni Farg‘ona viloyatidagi “Ravot” avtoyo‘l o‘tkazish punktida o‘tkazilgan tekshiruvlar natijasida davlat chegarasi buzuvchisi aniqlandi.
1992-yilda Tojikistonning So‘g‘d viloyatida tug‘ilgan X.B. 1994-yilda tavallud topgan boshqa bir Tojikiston fuqarosi X.P.ga tegishli bo‘lgan pasport bilan O‘zbekiston hududiga kirmoqchi bo‘ldi.
Huquqbuzar qo‘lga olingan.
Ta’kidlash kerakki, so‘nggi yillarda mamlakatda turizm salohiyatini qo‘llab-quvvatlash, tashrif buyurayotgan sayyohlar oqimini oshirish maqsadida qariyb 60 dan ortiq xorijiy davlat fuqarolari uchun O‘zbekistonga 30 kungacha vizasiz tartib joriy qilingan. Bu esa O‘zbekistonga kelayotgan sayyohlar oqimi ikki barobarga ko‘payishiga olib keldi.
Izoh (0)