Rossiya tergov qo‘mitasi hududiy boshqarmasining birinchi o‘rinbosari, 43 yoshli adliya polkovnigi Mixail Busilko Yekaterenburgda qo‘lga olindi. Bu haqda “Kommersant” xabar berdi.
Xabarga ko‘ra Busilko 18 million rubl (2 milliard 663 million so‘m yoki qariyb 280 ming AQSh dollari) miqdorida pora olayotgan vaqtida hibsga olingan. Pullarni unga advokat taklif qilgan. Polkovnikni qo‘lga tushirish operatsiyasi Federal xavfsizlik xizmati va tergov qo‘mitasining 4-tergov boshqarmasi Yekaterenburg dislokatsiyasi hamkorligida amalga oshirilgan.
Busilko vaqtinchalik qamoq izolyatoriga joylashtirilgan va yaqin vaqt ichida sud unga nisbatan ehtiyot chorasini qo‘llaydi. Tergov vakillari gumonlanuvchini qamoqqa olishni so‘ragan. FXX polkovnikning hibsga olingani bo‘yicha rasmiy ma’lumot berishni istamagan.
Tergov qo‘mitasi rasmiy vakili Svetlana Petrenko polkovnikning hibsga olinganini tasdiqlagan. Shuningdek, Busilkodan tashqari Vladimir viloyati advokatlar palatasi vakili ham qamoqqa olinganini ma’lum qilgan. Polkovnikka Rossiya qonunchiligiga muvofiq “Pora olish”, advokatga esa “Pora berishda vositachilik qilganlik” yuzasidan ayblovlar e’lon qilinishi mumkin.
Mavzuga doir:
Izoh (0)