Nursulton Nazarboyev Markaziy Osiyo kunini ta’sis etishni taklif qildi

Qozog‘istonning birinchi prezidenti Nursulton Nazarboyev Toshkentda o‘tgan Markaziy Osiyo davlatlari rahbarlarining ikkinchi maslahat uchrashuvi vaqtida 15-martni yangi bayram Markaziy Osiyo kuni sifatida nishonlashni taklif qildi. Bu haqda Qozog‘istonning birinchi prezidentining rasmiy sayti xabar bergan.

Nazarboyev Markaziy Osiyoda mahsulotlar, xizmatlar va kapital almashinuvi uchun to‘siqlarsiz muhitni shakllantirish lozimligini ta’kidlagan. Shuningdek, Qozog‘istonning birinchi prezidenti mintaqadagi mamlakatlarning yoshlari uchun har yili har bir davlatga 10 tadan ta’lim granti ajratish va ularni Qozog‘istonning eng yaxshi OTMlarida bepul o‘qitishga mablag‘ ajratishni tavsiya qildi.