AQSh prezidenti Donald Tramp Afg‘onistonga qilgan maxfiy tashrifi vaqtida o‘z telefonidan foydalana olmagan va Twitter’ga ham kirmagan, deb yozmoqda “RIA Novosti”.
Tramp Amerikada shukronalik kuni munosabati bilan Afg‘onistonga kelgan va u yerda AQSh harbiylari bilan uchrashgan.
“Mobil telefonlar, internetga kirish uskunalari va signal bilan ishlaydigan boshqa qurilmalar “birinchi raqamli bortda”gi hamma yo‘lovchilardan yig‘ib olingan, — ha, hatto prezident ham ushbu qoidaga bo‘ysungan. Lekin administratsiya xodimlari masofadan turib Twitter orqali Trampning sahifasiga ma’lumotlar joylashtirib turgan. Ushbu harakat Trampni kuzatayotgan obunachilari o‘tgan yili kuzatilganidek uning tvitlar yozmaganidan xavotirga tushib, shubhaga bormasliklari uchun amalga oshirilgan”,— deb yozgan Politico nashri.
Tramp prezidentlikka saylangani va rahbarlikka kirishganidan keyin dastlabki kunlardanoq shaxsiy telefondan foydalanishini bildirib maxsus xizmat va OAVning xorij davlatlari razvedka xizmatlari uni kuzatishi mumkinligi haqidagi fikrlariga qaramay o‘z pozitsiyasida mustahkam turgan. Undan avvalgi prezident Barak Obamaga maxsus xizmat prezidentlik muddati yakuniga yetayotgan vaqtlardagina telefondan foydalanishni ruxsat etgan, qurilmada Wi-Fi va geopozitsiya funksiyalari o‘chirib qo‘yilgandi.
Tramp o‘zi hordiq chiqarayotgan Floridadan Vashingtonga yashirin ravishda olib kelingan va u yerdan Afg‘onistonga jo‘nagan. Barchani chalg‘itish uchun Trampning samolyoti Floridada qoldirilgan, prezident Vashingtondan harbiy-transport samolyotida kelgan. Bu yerdan Afg‘onistonga boshqa bir laynerda olib ketilgan.
Mavzuga doir: Tramp kutilmaganda rafiqasi bilan Afg‘onistonga keldi
Izoh (0)