“Ipoteka-bank” ATIB O‘zbekiston kartalariga onlayn xalqaro pul o‘tkazmalarini amalga oshirish imkoniyatini beruvchi Paysend o‘tkazmalar tizimini yo‘lga qo‘ydi.
Endilikda chet eldan O‘zbekistonga pul yuborish qulay va yanada oson. Ushbu xizmat tufayli siz bankka borish (u ham bo‘lsa faqat ma’lum bir kunlar va ish vaqtidagina), maxsus raqamni bilish, pasport yoki boshqa kerakli hujjatlar talab qiluvchi ortiqcha sarsongarchilikdan mutlaqo holi bo‘lasiz.
Paysend – bu dunyoning turli mamlakatlaridagi bank kartalari o‘rtasida real vaqtda va nihoyatda qulay shartlarda pul o‘tkaziladigan xizmat. Mablag‘ni Paysend orqali O‘zbekistonning istalgan banklarida ochilgan plastik kartalarga onlayn o‘tkazish mumkin. Tizim 24/7 rejimida, ya’ni tun-u kun ishlaydi. Pul o‘tkazmalari o‘sha vaqtning o‘zida kartada ko‘rinadi.
Ushbu tizim hozirgi kunda 70 dan ortiq mamlakatda joriy etilgan bo‘lib, Paysend foydalanuvchilar soni bir yarim millionga yaqin.
Paysend’ning pul o‘tkazmalari rahbari Dimitriy Palchikovning ta’kidlashicha, ushbu tizim O‘zbekistonda to‘laligicha o‘zini oqlaydi va bosqichma-bosqich yangilanib boriladi.
Tizim xizmatidan foydalanganda o‘tkazilayotgan pul miqdoridan qat’i nazar aniq belgilangan komissiya mavjud. Ya’ni Rossiyadan o‘tkazilganda 49 RUB, Qozog‘istondan o‘tkazilganda 199 KZT, Yevropadan o‘tkazilganda 1,50 EUR.
“PAYMO O‘zbekiston moliya sektoriga innavatsion va havfsiz IT yechimini taklif qildi. Kompaniya tashkil etilgandan buyon Rossiya, Qozog‘iston va O‘zbekistonda ko‘plab loyihalarini amalga oshirib kelmoqda. Rossiya bozorida PAYMO “VTB”, “Promsvyazbank”, “Alfa bank”kabi yetakchi banklar bilan hamkorlik qilib keladi. Bunday xalqaro tajriba bizga O‘zbekistondagi banklar bilan ishlash, elektron tijoratni rivojlantirishga, to‘lov tizimini takomillashtirishga yordam beradi. “Ipoteka-bank” PAYMO’ni texnik integrator sifatida tanlaganidan juda xursandmiz va bizning birgalikdagi sa’y-harakatlarimiz qulay onlayn va “p2p” xalqaro pul o‘tkazmalarining yangi davrini boshlashiga umid qilamiz”, – dedi “PAYMO.Uzbekiston” direktori Ilhom Idiyev.
Paysend’dan barcha opretsiyalar – xizmat ko‘rsatiladigan va pul o‘tkazmalarida foydalaniladigan bank kartalari ishlab chiqarilgan mamlakatning amaldagi qonun hujjatlari talablariga muvofiq ravishda amalga oshiriladi.
Tizim zamonaviy bank standartlari bilan himoyalangan va “PCI DSS 1” standartining eng yuqori ko‘rsatkichi bilan tasdiqlangan. Mablag‘larni o‘tkazish xavfsizligi “3D secure” texnologiyasi bilan ta’minlangan. Shuningdek, Paysend kartalarni tekshirish va firibgarlikdan himoya qilish uchun o‘z ishlanmalaridan foydalanadi.
Paysend xalqaro to‘lov tizimlari, hamkor banklar bilan to‘g‘ridan to‘g‘ri integratsiyalashgan holda Visa, Mastercard, MIR kartalaridan va oddiy bank hisob raqamlaridan O‘zbekistonga pul o‘tkazmalarini amalga oshirish imkonini beradi.
“Ushbu xizmatni ishga tushirgandan so‘ng, eng avvalo, chet elda ishlaydigan va O‘zbekistondagi oilasiga pul yuboradigan vatandoshlarimiz haqida o‘yladik. Endilikda Visa, Mastercard va MIR kartalaridan O‘zbekistonga pul o‘tkazish boshqa tizimlar orasida eng arzoni hisoblanadi. Komissiya faqat pul yuboruvchidan olinadi”, – dedi “Ipotek-bank” boshqaruv raisi Shuhrat Atabayev.
Paysend xizmatidan: paysend.com sayti orqali, shuningdek App Store yoxud Google Play platformasidan Paysend mobil ilovasini yuklab olgan holda foydalanish mumkin.
Reklama huquqi asosida.
Izoh (0)