«Ипотека-банк» АТИБ Ўзбекистон карталарига онлайн халқаро пул ўтказмаларини амалга ошириш имкониятини берувчи Paysend ўтказмалар тизимини йўлга қўйди.
Эндиликда чет элдан Ўзбекистонга пул юбориш қулай ва янада осон. Ушбу хизмат туфайли сиз банкка бориш (у ҳам бўлса фақат маълум бир кунлар ва иш вақтидагина), махсус рақамни билиш, паспорт ёки бошқа керакли ҳужжатлар талаб қилувчи ортиқча сарсонгарчиликдан мутлақо ҳоли бўласиз.
Paysend – бу дунёнинг турли мамлакатларидаги банк карталари ўртасида реал вақтда ва ниҳоятда қулай шартларда пул ўтказиладиган хизмат. Маблағни Paysend орқали Ўзбекистоннинг исталган банкларида очилган пластик карталарга онлайн ўтказиш мумкин. Тизим 24/7 режимида, яъни тун-у кун ишлайди. Пул ўтказмалари ўша вақтнинг ўзида картада кўринади.
Ушбу тизим ҳозирги кунда 70 дан ортиқ мамлакатда жорий этилган бўлиб, Paysend фойдаланувчилар сони бир ярим миллионга яқин.
Paysend’нинг пул ўтказмалари раҳбари Димитрий Палчиковнинг таъкидлашича, ушбу тизим Ўзбекистонда тўлалигича ўзини оқлайди ва босқичма-босқич янгиланиб борилади.
Тизим хизматидан фойдаланганда ўтказилаётган пул миқдоридан қатъи назар аниқ белгиланган комиссия мавжуд. Яъни Россиядан ўтказилганда 49 РУБ, Қозоғистондан ўтказилганда 199 КZТ, Европадан ўтказилганда 1,50 EUR.
«PAYMO Ўзбекистон молия секторига иннавацион ва ҳавфсиз IT ечимини таклиф қилди. Компания ташкил этилгандан буён Россия, Қозоғистон ва Ўзбекистонда кўплаб лойиҳаларини амалга ошириб келмоқда. Россия бозорида PAYMO «ВТБ», «Промсвязбанк», «Алфа банк»каби етакчи банклар билан ҳамкорлик қилиб келади. Бундай халқаро тажриба бизга Ўзбекистондаги банклар билан ишлаш, электрон тижоратни ривожлантиришга, тўлов тизимини такомиллаштиришга ёрдам беради. «Ипотека-банк» PAYMO’ни техник интегратор сифатида танлаганидан жуда хурсандмиз ва бизнинг биргаликдаги саъй-ҳаракатларимиз қулай онлайн ва «p2p» халқаро пул ўтказмаларининг янги даврини бошлашига умид қиламиз», – деди «PAYMO.Uzbekiston» директори Илҳом Идиев.
Paysend’дан барча опрециялар – хизмат кўрсатиладиган ва пул ўтказмаларида фойдаланиладиган банк карталари ишлаб чиқарилган мамлакатнинг амалдаги қонун ҳужжатлари талабларига мувофиқ равишда амалга оширилади.
Тизим замонавий банк стандартлари билан ҳимояланган ва «PCI DSS 1» стандартининг энг юқори кўрсаткичи билан тасдиқланган. Маблағларни ўтказиш хавфсизлиги «3D secure» технологияси билан таъминланган. Шунингдек, Paysend карталарни текшириш ва фирибгарликдан ҳимоя қилиш учун ўз ишланмаларидан фойдаланади.
Paysend халқаро тўлов тизимлари, ҳамкор банклар билан тўғридан тўғри интеграциялашган ҳолда Visa, Mastercard, МIR карталаридан ва оддий банк ҳисоб рақамларидан Ўзбекистонга пул ўтказмаларини амалга ошириш имконини беради.
«Ушбу хизматни ишга туширгандан сўнг, энг аввало, чет элда ишлайдиган ва Ўзбекистондаги оиласига пул юборадиган ватандошларимиз ҳақида ўйладик. Эндиликда Visa, Mastercard ва МIR карталаридан Ўзбекистонга пул ўтказиш бошқа тизимлар орасида энг арзони ҳисобланади. Комиссия фақат пул юборувчидан олинади», – деди «Ипотек-банк» бошқарув раиси Шуҳрат Атабаев.
Paysend хизматидан: paysend.com сайти орқали, шунингдек Аpp Store ёхуд Google Play платформасидан Paysend мобил иловасини юклаб олган ҳолда фойдаланиш мумкин.
Реклама ҳуқуқи асосида.
Изоҳ (0)