“Rubin” himoyachisi Vitaliy Denisovning Rossiya chempionati 17-turida “Zenit”ga qarshi o‘yinda (1:2) olgan jarohati jiddiy emasligi ma’lum bo‘ldi.
O‘zbekistonlik futbolchi “Zenit”ga qarshi o‘yinda o‘ng oyog‘idan jarohat olgan va uchrashuvdan so‘ng tez yordam mashinasida shifoxonaga yuborilgandi. Denisov mazkur o‘yinning 78-daqiqasida maydonga tushib, bahs oxirigacha harakat qilgandi.
“Chempionat”ning “Rubin” matbuot xizmatiga tayanib xabar qilishicha, Vitaliy Denisovning ahvoli yaxshi. U umumiy guruh mashg‘ulotlariga qo‘shiladi.
“Rubin” keyingi o‘yinni 30-noyabr kuni “Axmat”ga qarshi o‘tkazadi. Qozonliklar 17-turdan so‘ng 17 ochko to‘plagan holda Premyer liganing 15-pog‘onasida bormoqda.
Yanada ko‘proq futbol va sport yangiliklaridan boxabar bo‘lishni istasangiz, “Daryo”ning Telegram’dagi rasmiy sport kanali — @daryo_sport’ga obuna bo‘ling!
Izoh (0)