«Рубин» ҳимоячиси Виталий Денисовнинг Россия чемпионати 17-турида «Зенит»га қарши ўйинда (1:2) олган жароҳати жиддий эмаслиги маълум бўлди.
Ўзбекистонлик футболчи «Зенит»га қарши ўйинда ўнг оёғидан жароҳат олган ва учрашувдан сўнг тез ёрдам машинасида шифохонага юборилганди. Денисов мазкур ўйиннинг 78-дақиқасида майдонга тушиб, баҳс охиригача ҳаракат қилганди.
«Чемпионат»нинг «Рубин» матбуот хизматига таяниб хабар қилишича, Виталий Денисовнинг аҳволи яхши. У умумий гуруҳ машғулотларига қўшилади.
«Рубин» кейинги ўйинни 30 ноябрь куни «Ахмат»га қарши ўтказади. Қозонликлар 17-турдан сўнг 17 очко тўплаган ҳолда Премьер лиганинг 15-поғонасида бормоқда.
Янада кўпроқ футбол ва спорт янгиликларидан бохабар бўлишни истасангиз, «Дарё»нинг Telegram’даги расмий спорт канали — @daryo_sport’га обуна бўлинг!
Изоҳ (0)