Ijtimoiy tarmoqlarda tarqatilgan Qo‘qon shahridagi avtomobillar turargohida sodir bo‘lgan voqea yuzasidan Qo‘qon shahar hokimligi rasmiy bayonot berdi.
Bayonotda ta’kidlanishicha, mazkur holat yuzasidan olib borilgan tezkor surishtiruv ishlari natijasida Qo‘qon shahar, Forobiy ko‘chasida joylashgan “Qo‘qon savdo kompleksi” MChJ yonidagi joydan “Ulug‘bek mega trans” MChJ rahbari yo‘nalishsiz taksi avtomashinalari uchun ruxsatsiz, o‘zboshimchalik bilan turargoh sifatida foydalanib kelgani aniqlandi.
Yo‘lovchilarni haqorat qilgan fuqaroga Qo‘qon shahar Ma’muriy sudi tomonidan Ma’muriy javobgarlik to‘g‘risidagi kodeksining 183-moddasiga asosan ma’muriy qamoq jazosi tayinlandi.
Fuqaroning ruxsatsiz, o‘zboshimchalik bilan turargoh sifatida joydan foydalanganligi bo‘yicha Iqtisodiy jinoyatlarga qarshi kurashish departamenti Qo‘qon shahar bo‘limi tomonidan surishtiruv olib borilmoqda.
Izoh (0)