Hukumat qarori bilan Milliy gvardiyaning qo‘riqlash xizmati bo‘linmalari tomonidan qo‘riqlanadigan obyektlar ro‘yxati tasdiqlandi. Bu haqda “Huquqiy axborot” kanali ma’lum qildi.
Unga ko‘ra, Milliy gvardiya manfaatdor tashkilotlar bilan birgalikda 2020-yil yakuniga qadar tasdiqlangan ro‘yxatga asosan obyektlarni bosqichma-bosqich qabul qilib oladi va qo‘riqlanishini ta’minlaydi.
Qarorga muvofiq, maktablar va diniy tashkilotlar obyektlari “tashvish tugmalari” bilan jihozlanadi.
Banklar va ular filiallarining qo‘riqlanishini tashkil etish shartlari Milliy gvardiya va Markaziy bank birgalikda tasdiqlagan qoidalarga asosan belgilanadi.
Milliy gvardiya qo‘riqlash xizmati bo‘linmalari tomonidan obyektlarni qo‘riqlash bilan bir qatorda tranzit yuklarni, transportdagi moddiy boyliklarni, portlovchi, radioaktiv (zaharli) va boshqa vositalarni qurolli qo‘riqlash-kuzatish amalga oshirilishi mumkin.
Shuningdek, jismoniy shaxslarga va tadbirkorlarga tegishli obyektlar ularning ixtiyoriga ko‘ra tuzilgan shartnomalarga asosan qo‘riqlanadi.
Izoh (0)