Xalq ta’limi vazirligi maktablarni ko‘mir bilan ta’minlashni nazorat qilish uchun Telegram’da yangi botni ishga tushirdi

O‘zbekiston Respublikasi Xalq ta’limi vazirligi maktablarni sifatli ko‘mir bilan o‘z vaqtida ta’minlanishini nazoratga olish uchun jamoatchilikni hamkorlikka chaqirish maqsadida yangi vositani joriy qildi. Bu haqda vazirlik tomonidan ma’lum qilindi.

Vazirlik Telegram’da @maktablarga_komir_yetkazish_bot botini ishga tushirdi. Jamoatchilik maktablarni ko‘mir bilan ta’minlashga doir muammolarni mazkur botga yuborishi mumkin.

Qayd etilishicha, murojaatchilardan o‘z xabarida maktab raqami, tuman (shahar) nomi va muammo haqida ma’lumot yuborish so‘raladi. Bunda holat bilan bog‘liq suratni ham yuborishi mumkin. Murojaatchilarning shaxsi sir tutilishi ta’minlanadi.