Navoiyda baxtsiz hodisa tufayli jiddiy jarohat olgan ustaga yordam ko‘rasatildi. Bu haqda Navoiy viloyati FVB matbuot xizmati “Daryo”ga xabar berdi.
21-noyabr kuni soat 10:30 da viloyat FVB tezkor navbatchisiga Navoiy shahri S.Ayniy ko‘chasi 71A-uyning 26-xonadonida issiqlik quvurini ta’mirlayotgan 1971-yilda tug‘ilgan fuqaro G‘.E o‘zining ehtiyotsizligi oqibatida uch metr chuqurlikdagi beton yerto‘laga tanasining orqa qismi bilan yiqilganligi haqida xabar qilgan.
Og‘ir tan jarohati olgan fuqaro yordam so‘rab FVBga murojaat qilgan.
Tezkor ma’lumotga asosan voqea joyiga zudlik bilan qutqaruv otryadi qutqaruvchilari va tez tibbiy yordam xodimlari yetib borgan. Olingan tan jarohati natijasida mustaqil harakatlana olmayotgan G‘.E maxsus tibbiyot zambiliga joylashtirilgan va arqonlar yordamida yerto‘ladan olib chiqilib, birinchi tibbiy yordam ko‘rsatilgan.
Fuqaro G‘.E bosh miya yopiq jarohati bilan RSHTTYOM Navoiy filialiga yotqizilgan.
Izoh (0)