O‘zbekiston Liberal-demokratik partiyasi (O‘zLiDeP) Toshkent shahar hokimi Jahongir Ortiqxo‘jayevni xalq deputatlari Toshkent shahar Kengashi deputatligiga nomzod qilib ko‘rsatdi.
“Xalq so‘zi online”ning yozishicha, Jahongir Ortiqxo‘jayev 48-sonli “Tinchlik” saylov okrugidan nomzod sifatida ko‘rsatilgan.
Jahongir Ortiqxo‘jayev 1975-yil 2-yanvarda Toshkent shahrida tug‘ilgan. Millati o‘zbek. 1991—1996-yillarda Toshkent davlat Iqtisodiyot universitetida tahsil olgan. Mutaxassisligi iqtisodchi. 2015-yil “Do‘stlik” ordeni bilan mukofotlangan. 2018-yilning aprelidan buyon Toshkent shahar hokimi lavozimida faoliyat yuritib kelmoqda.
Mavzuga doir: O‘zbekistonda saylovoldi tashviqotlariga start berildi
2018-yilning sentabr oyida Xalq deputatlari Toshkent shahar va tuman kengashlarining qo‘shma majlisida Jahongir Ortiqxo‘jayev Oliy Majlis Senati a’zosi etib saylangandi. O‘sha paytda yashirin ovoz berish yo‘li bilan o‘tkazilgan saylovda qo‘shma majlisda ishtirok etgan 331 nafar deputatdan 324 nafari hokimni yoqlab ovoz bergan.
Izoh (0)