Ўзбекистон Либерал-демократик партияси (ЎзЛиДеП) Тошкент шаҳар ҳокими Жаҳонгир Ортиқхўжаевни халқ депутатлари Тошкент шаҳар Кенгаши депутатлигига номзод қилиб кўрсатди.
«Халқ сўзи онлине»нинг ёзишича, Жаҳонгир Ортиқхўжаев 48-сонли «Тинчлик» сайлов округидан номзод сифатида кўрсатилган.
Жаҳонгир Ортиқхўжаев 1975 йил 2 январда Тошкент шаҳрида туғилган. Миллати ўзбек. 1991—1996 йилларда Тошкент давлат Иқтисодиёт университетида таҳсил олган. Мутахассислиги иқтисодчи. 2015 йил «Дўстлик» ордени билан мукофотланган. 2018 йилнинг апрелидан буён Тошкент шаҳар ҳокими лавозимида фаолият юритиб келмоқда.
Мавзуга доир: Ўзбекистонда сайловолди ташвиқотларига старт берилди
2018 йилнинг сентябрь ойида Халқ депутатлари Тошкент шаҳар ва туман кенгашларининг қўшма мажлисида Жаҳонгир Ортиқхўжаев Олий Мажлис Сенати аъзоси этиб сайланганди. Ўша пайтда яширин овоз бериш йўли билан ўтказилган сайловда қўшма мажлисда иштирок этган 331 нафар депутатдан 324 нафари ҳокимни ёқлаб овоз берган.
Изоҳ (0)