Bugun, 20-noyabr kuni soat taxminan 03:30 larda Samarqand viloyati Nurobod tumani joylashgan avtomashinalar turargohida suyultirilgan gaz tashishga mo‘ljallangan MAN yuk mashinasi yonib ketdi. Bu haqda IIV huzuridagi Tergov departamenti xabar berdi.
“Samarqand—G‘uzor” А-378 avtomobil yo‘lining 33-kilometrida joylashgan “Timur GАZ” MChJga tegishli avtomashinalar turargohida harakatsiz turgan suyultirilgan gaz tashishga mo‘ljanlangan MAN rusumli yuk atomashinasida noma’lum sabalarga ko‘ra yong‘in yuzaga kelgan. Olov yukxonaga o‘tib avtomashinadagi suyultirilgan gaz portlashi oqibatida ushbu avtoturargohda turgan suyultirilgan gaz tashish uchun mo‘ljanlangan 2 ta MAN va 1 ta “ZIL” rusumli avtomashinalar hamda “DAF” va “ZIL” rusumli yuk avtomashinalari, shuningdek Hyundai rusumli ekskavator yonib ketgan.
Hodisa sodir bo‘lgan joyga tergov-tezkor guruhi, FVV xodimlari va tez tibbiy yordam avtomashinalari jalb qilingan.
Dastlabki ma’lmotlarga ko‘ra, haydovchilarning bir nafari tan jarohati olib shifoxonaga murojaat etgan.Hozirda yong‘in kelib chiqish sababi aniqlanmoqda.
Izoh (0)