Yaponiyaning Balcom Group kompaniyasi prezidenti Tetsuro Yamasaka Namanganga keldi. Bu haqda “Daryo” muxbiri Azizbek Abduvaliyev xabar bermoqda.
Namanganda xususiy maktab ochish uchun investitsiya kiritishni rejalashtirayotgan kompaniya rahbari viloyat hokimi Xayrullo Bozorov bilan uchrashdi va ushbu loyihaning o‘ziga xos jihatlari haqida ma’lumot berdi.
1,5 gektar maydonda barpo etilishi rejalashtirilayotgan mazkur maktab xalqaro ta’lim standartlari asosida faoliyat olib boradi. Unda 525 o‘quvchi tahsil olishi ko‘zda tutilgan.
Maktab qurilishi uchun taklif etilgan hududlar ko‘rib chiqilgach, Balcom Group kompaniyasi bilan investitsion kelishuv imzolanadigan bo‘ldi.
Uchrashuv kun tartibidan Namangan hamda Xirosima o‘rtasida birodarlashgan shaharlar kelishuvi imzolanishi masalasi ham o‘rin oldi.
Izoh (0)