O‘zbekistonning Polshadagi elchixonasi bergan ma’lumotga ko‘ra, 12-noyabr kuni sodir bo‘lgan yo‘l-transport hodisasi oqibatida G‘.B. ismli O‘zbekiston fuqarosi ko‘p sonli jarohatlar bilan Poznan shahri kasalxonasiga yotqizilgan. Bu haqda TIV matbuot xizmati xabar berdi.
Ta’kidlanishicha, uning sog‘lig‘i og‘ir deb baholanmoqda va u koma holatida intensiv terapiya bo‘limiga joylashtirilgan.
Elchixona vaziyatni nazoratga olgan va Polsha vakolatli organlari bilan doimiy aloqada bo‘lib turibdi. Poznan shahri politsiya boshqarmasi tomonidan tekshiruv ishlari olib borilmoqda.
“Konsullik-huquqiy departamentI Polsha hududida bo‘lib turgan O‘zbekiston fuqarolariga zarurat tug‘ilgan holatlarda O‘zbekistonning Varshava shahridagi elchixonasiga quyidagi telefon raqami orqali murojaat qilishlari mumkinligini eslatib o‘tadi: +48-22-894-62-30 (2)”, — deyiadi xabarda.
Eslatib o‘tamiz, oktabr oyining oxirlarida Polshadagi Mazovetsk o‘pka va sil kasalliklarini davolash markazida ikki oydan beri davolanayotgan O‘zbekiston fuqarosi B.R. vafot etgandi.
Izoh (0)