Dunyo xaritasida O‘zbekiston nomli mamlakat amalda 1924-yil oktabrida, rasman esa 1925-yil 13-mayida tashkil topgan. Shundan beri bu mamlakat bayrog‘i sakkiz marta o‘zgargan. Ularning dastlabki oltitasi bir chekkasiga O‘zSSR deb yozilgan qizil matodan ortiq narsa emasdi. Quyida, mustaqil O‘zbekiston davlat bayrog‘i qabul qilingan kun — 18-noyabr munosabati bilan tayyorlangan galereyada nafaqat O‘zbekiston, balki XX asr boshida mamlakat hududida bo‘lgan va yangi tashkil etilgan (keyinchalik tugatilgan) boshqa davlat va davlat ko‘rinishidagi tuzilmalar bayroqlari ham tanishishingiz mumkin.
O‘zbekiston Sovet Sotsialistik Respublikasi (O‘zSSR)ning 1925-yil 22-iyuldan 1926-yil 9-yanvargacha amalda bo‘lgan bayrog‘i
O‘zbekistonning 1926-yil 9-yanvardan 1931-yilgacha amalda bo‘lgan bayrog‘i
O‘zbekistonning 1931-yildan 1935-yil yanvarigacha amalda bo‘lgan bayrog‘i
O‘zbekistonning 1935-yildan 1937-yilgacha amalda bo‘lgan bayrog‘i
O‘zbekistonning 1937-yildan 1941-yil 16-yanvargacha amalda bo‘lgan bayrog‘i
O‘zbekistonning 1941-yil 16-yanvardan 1952-yil 29-avgustgacha amalda bo‘lgan bayrog‘i
O‘zbekistonning 1952-yil 29-avgustdan 1991-yil 18-noyabrgacha amalda bo‘lgan bayrog‘i
Mustaqil O‘zbekiston bayrog‘i — 1991-yil 18-noyabrdan beri
O‘zbekiston SSR — Turkiston ASSR, Buxoro SSR va Xorazm SSR chegaralarining o‘zgartirilib, birlashtirilishidan tashkil topgan respublika edi. O‘z navbatida Buxoro va Xorazm respublikalari o‘rnida 1920-yilga qadar mos ravishda Buxoro va Xiva xonliklari bo‘lgan, Turkiston ASSRning sharqida esa 72 kun Qo‘qon muxtoriyati bayrog‘i hilpiragan.
Buxoro
Buxoro amirligining 1920-yil 1-sentabrgacha amalda bo‘lgan bayrog‘i
Buxoro Xalq Sovet Respublikasi (BXSR)ning 1920-yil 20-sentabrdan 1921-yil 23-sentabrgacha amalda bo‘lgan bayrog‘i
Buxoroning 1921-yil 23-sentabrdan 1923-yil 11-noyabrgacha amalda bo‘lgan bayrog‘i
Buxoro Sovet Sotsialistik Respublikasi (BSSR)ning 1924-yil 18-sentabrdan 1924-yil oktabrigacha amalda bo‘lgan bayrog‘i
Xorazm
Xiva xonligining 1917-yildan 1920-yilgacha amalda bo‘lgan bayrog‘i
Xorazm Xalq Sovet Respublikasi (XXSR)ning 1920-yil 30-aprelidan 1921-yil mayigacha amalda bo‘lgan bayrog‘i
Xorazmning 1922-yil 23-oktabrdan 1923-yilgacha amalda bo‘lgan bayrog‘i
Xorazm Sovet Sotsialistik Respublikasi (XSSR)ning 1923-yil 23-oktabrdan 1924-yil oktabrigacha amalda bo‘lgan bayrog‘i
Turkiston
Turkiston Avtonom Sovet Sotsialistik Respublikasi (TASSR, yana bir nomi — Turkiston Sovet Respublikasi)ning 1919-yildan 1921-yilgacha amalda bo‘lgan bayrog‘i
Turkiston ASSRning 1921-yildan 1924-yilgacha amalda bo‘lgan bayrog‘i
Qo‘qon (Turkiston) muxtoriyati bayrog‘i (1917-yil 27-noyabrdan 1918-yil 22-fevralgacha)
Izoh (0)