So‘nggi kunlarda ijtimoiy tarmoqlarda va internet-nashrlarda Toshkent hokimi Jahongir Ortiqxo‘jayevning “Kun.uz” muxbirlarini haqoratlayotgani, ularga jismonan yo‘q qilish bilan tahdid qilayotgani aks etgan audioyozuv faol muhokama qilindi. Shu munosabat bilan 17-noyabr oqshomida vaziyatga oydinlik kiritish maqsadida “Kun.uz” tahririyati vakillari va hokim Jahongir Ortiqxo‘jayev o‘rtasida uchrashuv bo‘lib o‘tgan.
“Kun.uz”ning bayonotiga ko‘ra, “muloqot davomida shahar hokimligi va sayt tahririyatiga taalluqli, yuzaga kelgan muammoli masalalar muhokama qilindi”. Uchrashuv tafsilotlari batafsil ochiqlanmagan; saytning rasman ma’lum qilishicha, “mazkur muloqot yakuniga ko‘ra sayt jamoasi va poytaxt hokimligi rahbariyati o‘rtasidagi barcha tushunmovchiliklar barham topgan”.
Tomonlar bir-birini tushunib, o‘zaro murosaga keldi. Sayt tahririyati hokimning ushbu vaziyat yuzasidan bildirgan mulohazalarini qoniqarli deb topadi.Eslatib o‘tamiz, Jahongir Ortiqxo‘jayevning jurnalistlarga tahdidini “Adolat”, O‘zXDP, O‘zLiDeP partiyalari, shuningdek, O‘zbekiston Jurnalistlari ijodiy uyushmasi qoralab chiqqan, Bosh prokuratura va Adliya vazirligi ushbu holat yuzasidan o‘rganish olib borayotganini ma’lum qilgan edi.Hamkasblar, boshqa nashrlarning jurnalistlari va blogerlarga shunday pallada faol qo‘llab-quvvatlaganliklari uchun minnatdorchilik bildiramiz.
Shu bilan birgalikda, ulardan bu masalani ortiq muhokama qilmaslikni so‘raymiz, zero faqat ikki tarafgagina tegishli bu nizo turli siyosiy kuchlar va shaxslar tomonidan tor manfaatlar yulida qurol sifatida foydalanilishini xohlamaymiz.
“Kun.uz”ning bayonotidan
Izoh (0)