Эрон олий етакчиси Сайид Али Ҳусайний Хоманаий Ироқ ва Ливанда ҳукуматга қарши норозиликлар ўтказаётган одамларга асосий эътиборни бошқа шарт-шароитларга эмас, балки ватанларида хавфсизликни таъминлашга қаратишни маслаҳат берди.
«Ироқ ва Ливандаги одамларга ҳамдардман, лекин улар биринчи навбатда ўз мамлакатларида хавфсизлик ва хотиржамликни таъминлашга эътибор қаратиши лозим», — дея таъкидлаган Хоманаий.
Шунингдек, у Ироқда ва Ливанда халқ талаб қилаётган ислоҳотлар қонун устувор бўлган жамият барпо қилинсагина амалга оширилиши мумкинлигини қайд этди.
Сайид Али Ҳусайний Хоманаий икки давлатдаги амалдорлар, зиёлилар ва жамиятнинг барча қатламлари вакилларини хорижлик душманлар фитнасидан огоҳ бўлишга чақирди. Унинг фикрича ақл-идрок билан иш кўриш таҳдидларга қарши курашда самара беради.
Жамиятда хавфсизлик таъминланмаса маданий, иқтисодий, тажриба ва илмий фаолиятнинг ривожланиши тўхтаб қолади. Шу сабабли хавфсизликни таъминлаш ҳамма учун ўта муҳим бўлган энг асосий вазифа бўлиши лозим.Ироқдаги ҳукуматга қарши намойишлар 1 октябрда бошланган. Маълум вақт танаффусдан сўнг яна қайта бошланган норозиликларда полиция ҳамда халқ ўртасидан кучли тўқнашувлар кузатилмоқда. Ироқдаги намойишларда ҳалок бўлганлар сони 250 нафардан ошган.Ушбу норозиликларнинг бошланиши ортида ташқаридаги манфаатдор кучлар турибди. Қўзғалонлар АҚШ ва ғарб жосуслик хизматларининг фитнаси сабаб бошланган.
Улар Эронда ҳам шунга ўхшаш фитналарни амалга оширмоқчи бўлган, лекин бизнинг халқ вақтида мардоновор жавоб қайтарди, қуролли кучлар ҳам яхши тайёргарликк эга бўлгани учун улар ҳеч нима қила олмади.
Сайид Али Ҳусайний Хоманаий, Эрон олий етакчиси
Мавзуга доир: Эрон олий етакчиси Оятуллоҳ Ҳумайний душманлар Ироқ ва Эрон ўртасида низо чиқара олмаслигини маълум қилди
Изоҳ (0)