Zimbabvening Xvange shaharchasida 11 yoshli qizcha dugonasini timsoh hujumidan qutqarib qoldi. Maxluq uni suv ostiga tortib ketishga uringan. Bu haqda Bulawayo 24 xabar berdi.

Foto: Bulawayo 24

Timsoh qizlar daryoda cho‘milayotgan vaqtda to‘satdan hujum qilgan. Maxluq to‘qqiz yoshli Latoya Muvanining oyog‘idan tishlab suv ostiga tortib ketishga uringan. Qizaloq baqirishni boshlagach, o‘zidan yoshi kattaroq dugonasi yordam qilgan.

Rebekka Munkombve suvga sakrab tushgan dugonasi va timsoh o‘rtasida olishuv ketayotgan joyga suzib borgan. Qiz timsohning bel qismiga chiqib olib bor kuchi bilan uni ura boshlagan, barmoqlarini vaxshiyning ko‘zlariga tiqishga uringan. Timsoh hujumlar natijasida og‘zini ochgan va o‘ljani qo‘yib yuborib suv ostiga ravona bo‘lgan.

Jarohat olgan qiz shifoxonaga olib ketilgan. Shifokorlar qizchaning jarohati uncha og‘ir emasligi, bir necha joyi lat yeganligi va oyog‘ida tishlash izlari qolganligini ma’lum qilgan.

Zimbabve hududida Nil timsohlari yashaydi. Maxluqlarning uzunligi besh metrgacha yetadi va ular juda tajovuzkor. Nil timoshlari katta va kuchli hayvonlar, xususan, arslon, begemot yoki Afrika qo‘toslariga ham hujum qilib, ularni ovlaydi.

Avval Sharqiy Afrikadagi Viktoriya ko‘lida do‘stlari bilan cho‘milayotgan tanzaniyalik 12 yoshli bolaning timsoh o‘ljasiga aylangani xabar qilingan.