23—29-oktabr kunlari Toshkentdagi “Universal” sport saroyida erkaklar o‘rtasida turli vazn toifalarida boks bo‘yicha O‘zbekiston chempionati bo‘lib o‘tdi. Ushbu musobaqada 200 nafardan ortiq bokschi ishtirok etdilar. 29-oktabr kuni esa, final uchrashuvlari bo‘lib o‘tdi.
Butun hafta davomida respublikaning barchahududlaridan tashrif buyurgan bokschilar 2020-yilda Tokio Olimpiadasida O‘zbekistonni g‘urur bilan namoyish etish uchun o‘zaro kurash olib bordilar.
Musobaqada sportchilarni tadbirning rasmiy homiysi — Pepsi brendi qo‘llab-quvvatlab turdi, mazkur brend o‘nlab yillar davomida sportchilarni o‘z harakatlarida va g‘alabalarida qo‘llab-quvvatlab keldi!
Maksim Efremov — PepsiCo kompaniyasining O‘zbekistondagi rasmiy bottleri, IBT ijrochi direktori: “ Yoshlar o‘rtasida sportni rivojlantirish va ommalashtirishda ishtirok etish biz uchun katta sharafdir. O‘zini-o‘zi anglash va sport orqali o‘zini namoyish etish, bugungi kunda eng ajoyib iste’dodlarni kashf etmoqda, ular esa, o‘z navbatida yosh avlod orasida namunaga aylanmoqdalar. Pepsi brendi O‘zbekiston Boks federatsiyasiga ko‘rsatilgan yuksak ishonchi va katta tadbir — boks bo‘yicha O‘zbekiston chempionatida ishtirok etish imkoniyati uchun minnatdorchilik bildiradi.”
O‘zbekiston boks federatsiyasi raisining birinchi o‘rinbosari Po‘latov Saken: “Men O‘zbekistonning boks federatsiyasi nomidan rasmiy homiyimiz — Pepsi brendiga, 29-oktabr kuni yakunlangan O‘zbekiston chempionatidagi janglarda yurtimiz sportchilarimizni qo‘llab-quvvatlagani uchun alohida minnatdorchilik bildirmoqchiman. Pepsi mamlakatdagi eng yirik musobaqalardan birini tashkil etganidan mamnunmiz va ushbu sport turini respublika yoshlari orasida qo‘llab-quvvatlash va targ‘ib qilish bo‘yicha hamkorlikni yanada rivojlantirishiga umid qilamiz.”
Musobaqa natijalari bo‘yicha quyidagilar chempion bo‘ldilar:
- 49 kg vazn toifasida Umarkul Ermatov.
- 52 kg vazn toifasida Foziljon Abdumurodov.
- 56 kg vazn toifasida Oybek Jo‘rayev.
- 60 kg vazn toifasida Abdumalik Xalakov.
- 64 kg vazn toifasida Elnur Abduraimov
- 69 kg vazn toifasida Jahongir Rahmonov.
- 75 kg vazn toifasida Odiljon Aslon.
- 81 kg vazn toifasida Shuhrat Abdullayev.
- 91 kg vazn toifasida Jamshidjon Abdullayev.
- 91+ kg vazn toifasida Ulug‘bek Mo‘minov
Pepsi g‘oliblarni tabriklaydi va ularga keyingi professional rivojlanishlarida muvaffaqiyatlar tilaydi.
Reklama huquqi asosida.
Izoh (0)