Tashkent City odamlar nigohida

Ushbu loyiha insonlar, ularning taqdiri hamda dil izhorlari haqida: muhandislar, arxitektorlar, ustalar, elektriklar… Hozirda, ob-havo sharoitlari yoki vaqtga qaramasdan mamlakatimizning eng katta qurilish maydonida uzluksiz ishlayotgan insonlar to‘g‘risida. Ularning har biri o‘zining ulkan mehnati evaziga milliy shaharsozlik tarixida yangi sarlavhani ochmoqda.

Loyihaning maqsadi Tashkent City – bu nafaqat jonsiz ulkan binolar, balki bundan ko‘proq ahamiyat kashf etuvchi jarayonligini ko‘rsatishdan iborat. Mamlakatni yangi, xalqaro mavqega olib chiqish maqsadida tinimsiz mehnat qilayotgan insonlarning mehri ham demakdir.

Tashkent City qurilishida mingdan oshiq chet ellik va mahalliy mutaxassislar faoliyat yuritmoqdalar. Ushbu fotoloyiha uchun biz 21 ta qahramon tanlab oldik. Ularning har birida o‘z hikoyasi mavjud. Taqdirlari esa o‘ziga xos va betakror – ba’zilari, bandlikka qaramay o‘zining sevimli mashg‘uloti uchun vaqt topsa, boshqalari insonlar hayotini saqlashni ham eplay oladilar, hamda yana kimlarnidir bu g‘oyani amalga oshirishda qatnashishning o‘zi jalb qildi.

Loyihani cheksiz ta’riflash mumkin, ammo bu holatda haqiqatan ham so‘zlar ortiqcha. Faqatgina ularning hikoyasini o‘qish va ularning porlayotgan nigohlariga boqishning o‘zi kifoya.

Abdubosit G‘ulomov — ko‘p yillar davomida neft va gaz sanoatida transport vositalarini ta’mirlash bo‘yicha muhandis bo‘lib ishlagan. Biroq, 2015-yilda u yangi hunarni egallashga qaror qildi. Eng yaxshi talaba bo‘lgan joyda ta’lim oldi. Aynan shu omil uni darhol 8 ta yo‘nalish bo‘yicha boshqarma boshlig‘i etib tayinlanishiga olib keldi, bittasi, xavfsizlik. 2018-yilda uni ushbu sohaning eng yaxshi mutaxassislaridan biri sifatida Tashkent City’da ishlashga taklif qilishdi.

Abdubosit — go‘zal qalbi va qalbi keng inson, shuning uchun hamkasblari uni “ochiq ko‘ngil” deb atashadi. O‘zingiz o‘ylab ko‘ring bugungi kunda u 49-marta qon topshirdi va to‘xtashni rejalashtirayotgani ham yo‘q. O‘tgan yili o‘zining xayrli ishlari uchun “O‘zbekiston Respublikasining faxriy donori” ko‘krak nishoni bilan taqdirlandi. Aytgancha, o‘sha paytda butun mamlakat bo‘ylab ularning atigi 14 tasi bor edi. Bularning barchasi, 3 yoshli singlisining shoshilinch ravishda donor yordamiga muhtoj bo‘lganligi va noma’lum shaxs uning hayotini saqlab qolganidan boshlandi. Bu harakat uning kelajakdagi taqdiriga kuchli ta’sir ko‘rsatdi. Endi u har safar internetda bironta bir bolaga o‘z guruhining qoni zarurligidan habar topsa, mamlakatimizning yosh fuqarolariga yordam berish uchun o‘ylab o‘tirmay qon beradi.

Chetin Komurucu. Bu — yosh yigit qanday qilib harbiy uchuvchi bo‘lmagani, ammo mutlaqo boshqa yo‘nalishni tanlaganligi va yutqazmaganligi haqida hikoya. Mana so‘nggi 30 yil ichida u butun dunyoga tanilgan turk kompaniyasida me’mor bo‘lib ishlab kelmoqda. Bugun o‘tmishni eslab, general unvoniga erishganini hazil bilan aytdi, lekin u hech narsadan afsuslanmaydi. Uning amalga oshirgan ishlari ichida 10 dan ortiq innovatsion loyihalar mavjud. U o‘z mehnat faoliyatini 1993-yilda “Tashkentland” va “Akvapark” qurilishi bilan boshlagan, shundan keyin Chetin rahbarligi ostida “Uzbat” kompaniyasining binosi va sobiq “Interkontinental” mehmonxonalari qurilgan. Keyin u Turkiya, Kiyev, Gruziya, Iordaniya, Qatar, Kongo respublikasi, Nigeriya, Saudiya Arabistoni va Rossiyadagi ko‘plab obyektlarni boshqargan. Ular haqida gapirganda, u Grozniy shahridagi “Axmat Tower” osmono‘par binosining jabhasini ishlab chiquvchilardan biri bo‘lgan so‘nggi loyihalardan biriga e’tibor qaratdi. 102 qavat va 446 metrlik innovatsiya yaqin orada Rossiyadagi eng baland bino bo‘ladi — deydi Chetin. Va u buni tugatishi mumkin edi, lekin bir kuni uni katta, qiziq bir obyektga – Tashkent City’ga taklif qilishdi. Uning so‘zlariga ko‘ra, u bunday taklifni rad eta olmagan.

Nega favvoralarni loyihalash kabi yo‘nalishni tanlaganligi haqidagi savolga, Yao Tao Yong, barcha xitoyliklar suvni juda yaxshi ko‘rishlarini aytdi. Bundan tashqari bizning qahramonimiz butun hayoti davomida ko‘l oldida yashagan. Uning o‘zi aytganidek, u tabiat rangining go‘zalligi va yorqinligini suvda deb biladi.

O‘zining professional tajribasi uchun Yao Tao Yong juda ko‘p miqdordagi gidrotexnik tuzilmalarni yaratdi. Bundan tashqari u asosan bu mamlakatda qurishni rejalashtirgan katta yoki eng katta bo‘lgan loyihalarni oldi. Misol qilib Turkiya, Misr, Pokiston va Xitoyni keltirish mumkin. Vetnamda bo‘lsa bundaylaridan 4 tasini yaratdi.

Hozirda shunday darajadagi mutaxassis O‘zbekistondagi eng katta favvorani loyihalashtirmoqda va amalga oshirmoqda. Uning eng so‘nggi texnologiyalar ishlanmalariga javob berishi va kelajakda hatto mamlakatning diqqatga sazovor joylaridan biriga aylanishiga hech kimda shubha yo‘q. Yao Tao Yong va har bir kishi ana shunday durdona asarlarni yaratishga ilhomni qayerdan sir bo‘lib qolmoqda. Uning o‘zi aytadiki, hamma narsa musiqa va uning suv oqimi bilan uyg‘unligida.

Qolgan hikoyalarni bizning saytimizda o‘qishingiz mumkin: http://tcibc.uz/people.html

Reklama huquqi asosida.