Тошкентда Pepsi брендининг расмий ҳамкорлигида бокс бўйича чемпионат бўлиб ўтди. Чемпионат натижалари

23—29 октябрь кунлари Тошкентдаги «Универсал» спорт саройида эркаклар ўртасида турли вазн тоифаларида бокс бўйича Ўзбекистон чемпионати бўлиб ўтди. Ушбу мусобақада 200 нафардан ортиқ боксчи иштирок этдилар. 29 октябрь куни эса, финал учрашувлари бўлиб ўтди.

Бутун ҳафта давомида республиканинг барчаҳудудларидан ташриф буюрган боксчилар 2020 йилда Токио Олимпиадасида Ўзбекистонни ғурур билан намойиш этиш учун ўзаро кураш олиб бордилар.

Мусобақада спортчиларни тадбирнинг расмий ҳомийси — Pepsi бренди қўллаб-қувватлаб турди, мазкур бренд ўнлаб йиллар давомида спортчиларни ўз ҳаракатларида ва ғалабаларида қўллаб-қувватлаб келди!

Максим Эфремов — PepsiCо компаниясининг Ўзбекистондаги расмий боттлери, ИБТ ижрочи директори: « Ёшлар ўртасида спортни ривожлантириш ва оммалаштиришда иштирок этиш биз учун катта шарафдир. Ўзини-ўзи англаш ва спорт орқали ўзини намойиш этиш, бугунги кунда энг ажойиб истеъдодларни кашф этмоқда, улар эса, ўз навбатида ёш авлод орасида намунага айланмоқдалар. Pepsi бренди Ўзбекистон Бокс федерациясига кўрсатилган юксак ишончи ва катта тадбир — бокс бўйича Ўзбекистон чемпионатида иштирок этиш имконияти учун миннатдорчилик билдиради.»

Ўзбекистон бокс федерацияси раисининг биринчи ўринбосари Пўлатов Сакен: «Мен Ўзбекистоннинг бокс федерацияси номидан расмий ҳомийимиз — Pepsi брендига, 29 октябрь куни якунланган Ўзбекистон чемпионатидаги жангларда юртимиз спортчиларимизни қўллаб-қувватлагани учун алоҳида миннатдорчилик билдирмоқчиман. Pepsi мамлакатдаги энг йирик мусобақалардан бирини ташкил этганидан мамнунмиз ва ушбу спорт турини республика ёшлари орасида қўллаб-қувватлаш ва тарғиб қилиш бўйича ҳамкорликни янада ривожлантиришига умид қиламиз.»

Мусобақа натижалари бўйича қуйидагилар чемпион бўлдилар:

- 49 кг вазн тоифасида Умаркул Эрматов.

- 52 кг вазн тоифасида Фозилжон Абдумуродов.

- 56 кг вазн тоифасида Ойбек Жўраев.

- 60 кг вазн тоифасида Абдумалик Халаков.

- 64 кг вазн тоифасида Элнур Абдураимов

- 69 кг вазн тоифасида Жаҳонгир Раҳмонов.

- 75 кг вазн тоифасида Одилжон Аслон.

- 81 кг вазн тоифасида Шуҳрат Абдуллаев.

- 91 кг вазн тоифасида Жамшиджон Абдуллаев.

- 91+ кг вазн тоифасида Улуғбек Мўминов

Pepsi ғолибларни табриклайди ва уларга кейинги профессионал ривожланишларида муваффақиятлар тилайди.

Реклама ҳуқуқи асосида.