Qo‘qon erkin iqtisodiy zonasining elektr podstansiyasi foydalanishga topshirildi
Ma’lumki, Prezidentimizning 2017-yil 7-avgustdagi “Erkin iqtisodiy zonalar samarali faoliyat ko‘rsatishi uchun vazirliklar, idoralar va joylardagi davlat hokimiyati organlarini muvofiqlashtirishni kuchaytirish va ularning mas’uliyatini oshirish chora-tadbirlari to‘g‘risida”gi qarori hamda Vazirlar Mahkamasining “Urgut”, “G‘ijduvon”, “Qo‘qon” va “Xazorasp” erkin iqtisodiy zonalarining transport, ishlab chiqarish va muhandislik-kommunikatsiya infratuzilmalarini jadal rivojlantirishga qaratilgan huquqiy hujjatlariga muvofiq, Qo‘qon shahrida yirik loyiha – “Qo‘qon erkin iqtisodiy zonasi” amalga oshirilmoqda.
Ushbu Qo‘qon erkin iqtisodiy zonasi o‘z ichiga ikkita, ya’ni “A” va “V” nimzonalariga bo‘linib, 110/10 kVli “Qo‘qon EIZ” podstansiyasi ishga tushirildi.
Xususan, “A” zonaning elektr ta’minoti bo‘yicha quvvati 630 kVA bo‘lgan ikkita transformatorlar hamda 19 dona zamonaviy yacheykadan va elektr qurilmalari o‘rnatildi. Tadbirkorlarni elektr energiyasi bilan ta’minlash uchun 2 zanjirli 110 kVli uzunligi 1,1 km bo‘lgan elektr uzatish tarmoqlari qurildi.
Shuningdek, “V” zonaning elektr ta’minoti loyihasini amalga oshirish maqsadida 15,8 mlrd so‘m mablag‘ sarflanishi rejalashtirilgan bo‘lib, mazkur zonadagi iste’molchilarni elektr energiyasi bilan ta’minlash borasida 110/10 kVli quvvati 25000 kVA bo‘lgan ikkita kuch transformatoridan iborat podstansiya hamda 2 zanjirli 110 kVli uzunligi 4,2 km elektr uzatish tarmoqlari qurilish-montaj ishlari yakunlandi.
Hozirgi kunda 10 kVli elektr uzatish tarmoqlari qurilishi uchun 24 dona temir-beton tayanchlar o‘rnatilgan bo‘lib, hozirgi kunda tadbirkorlarga sifatli va uzluksiz elektr energiyasi yetkazish borasida uzunligi 1,5 km bo‘lgan elektr uzatish tarmoqlari tortildi.
Yuqorida ko‘rsatib o‘tilgan ishlarga “Hududiy elektr tarmoqlari” aksiyadorlik jamiyati tomonidan jami 30,001 milliard so‘m sarflandi.
“Hududiy elektr tarmoqlari” AJ matbuot xizmati
Ma’lumot sheriklik huquqi asosida tayyorlandi
