Қўқон эркин иқтисодий зонасининг электр подстанцияси фойдаланишга топширилди
Маълумки, Президентимизнинг 2017 йил 7 августдаги «Эркин иқтисодий зоналар самарали фаолият кўрсатиши учун вазирликлар, идоралар ва жойлардаги давлат ҳокимияти органларини мувофиқлаштиришни кучайтириш ва уларнинг масъулиятини ошириш чора-тадбирлари тўғрисида»ги қарори ҳамда Вазирлар Маҳкамасининг «Ургут», «Ғиждувон», «Қўқон» ва «Хазорасп» эркин иқтисодий зоналарининг транспорт, ишлаб чиқариш ва муҳандислик-коммуникация инфратузилмаларини жадал ривожлантиришга қаратилган ҳуқуқий ҳужжатларига мувофиқ, Қўқон шаҳрида йирик лойиҳа – «Қўқон эркин иқтисодий зонаси» амалга оширилмоқда.
Ушбу Қўқон эркин иқтисодий зонаси ўз ичига иккита, яъни «А» ва «В» нимзоналарига бўлиниб, 110/10 кВли «Қўқон ЭИЗ» подстанцияси ишга туширилди.
Хусусан, «А» зонанинг электр таъминоти бўйича қуввати 630 кВА бўлган иккита трансформаторлар ҳамда 19 дона замонавий ячейкадан ва электр қурилмалари ўрнатилди. Тадбиркорларни электр энергияси билан таъминлаш учун 2 занжирли 110 кВли узунлиги 1,1 км бўлган электр узатиш тармоқлари қурилди.
Шунингдек, «В» зонанинг электр таъминоти лойиҳасини амалга ошириш мақсадида 15,8 млрд сўм маблағ сарфланиши режалаштирилган бўлиб, мазкур зонадаги истеъмолчиларни электр энергияси билан таъминлаш борасида 110/10 кВли қуввати 25000 кВА бўлган иккита куч трансформаторидан иборат подстанция ҳамда 2 занжирли 110 кВли узунлиги 4,2 км электр узатиш тармоқлари қурилиш-монтаж ишлари якунланди.
Ҳозирги кунда 10 кВли электр узатиш тармоқлари қурилиши учун 24 дона темир-бетон таянчлар ўрнатилган бўлиб, ҳозирги кунда тадбиркорларга сифатли ва узлуксиз электр энергияси етказиш борасида узунлиги 1,5 км бўлган электр узатиш тармоқлари тортилди.
Юқорида кўрсатиб ўтилган ишларга «Ҳудудий электр тармоқлари» акциядорлик жамияти томонидан жами 30,001 миллиард сўм сарфланди.
«Ҳудудий электр тармоқлари» АЖ матбуот хизмати
Маълумот шериклик ҳуқуқи асосида тайёрланди
