Surxondaryo viloyati Sherobod tumani “Gurin” MFY hududida “KamAZ” va Matiz avtomobillari to‘qnashishi natijasida 4 nafar fuqaro turli darajada jarohatlandi, deb xabar bermoqda Sog‘liqni saqlash vazirligi matbuot xizmati. Voqea 28-oktabr, dushanba kuni soat taxminan 19:55 larda sodir bo‘lgan.
Xabarda aytilishicha, voqea joyiga tez tibbiy yordam brigadasi zudlik bilan yetib borgan. YTH oqibatida jarohatlangan 4 nafar bemor: 37 yoshli X.B. bosh miya yopiq jarohati, ikkala oyoq sinishi tashxisi, 37 yoshli S.M., 8 yoshli L.R. hamda 6 yoshli M.R. bosh miya yopiq jarohati tashxislari bilan Sherobod tuman tibbiyot birlashmasi shoshilinch tibbiy yordam bo‘limiga yotqizilgan.
Bundan avval Surxondaryoda yuk mashinasi yo‘ldan chiqib ketishi oqibatida 2 kishi halok bo‘lgani, yana 2 nafari og‘iq avolda ekanligi xabar berilgan edi.
Izoh (0)