Josuslikda gumon qilingan Bolgariyadagi Rossiya elchixonasi xodimi mamlakatdan chiqarib yuborildi

Bolgariya prokuraturasi Rossiya elchixonasi xodimlaridan biri josuslik bilan shug‘ullanganligini ma’lum qildi. Bu haqda Meduza xabar bermoqda.

Prokuraturaga ko‘ra, u 2018-yil sentabridan beri davlat siri bo‘lgan ma’lumotlarni to‘plab kelgan. Jumladan, Bolgariya, Yevroittifoq va NATO maxfiy ma’lumotlariga aloqador bo‘lgan shaxslar bilan uchrashgan.

Josuslik bilan Rossiya elchixonasining birinchi kotibi shug‘ullangani ta’kidlangan. U diplomatik daxlsizlikka ega bo‘lgani sababli tekshiruv to‘xtatilgan.

Rossiyaning Bolgariyadagi elchisi Tashqi ishlar vazirligiga chaqirilgan va undan josuslikda gumon qilingan diplomat mamlakatni tark etishi talab qilingan. Hozirda u Bolgariyadan chiqib ketgani aytilmoqda.