O‘zbekiston Respublikasi Prezidentining “Respublika iqtisodiyoti tarmoqlari va ijtimoiy sohani 2019—2020-yillar kuz-qish davrida barqaror ishlashga kompleks tayyorlashni ta’minlash chora-tadbirlari to‘g‘risida”gi Qarori ijrosi yuzasidan “O‘zenergoinspeksiya” Farg‘ona hududiy bo‘limi hamda “Farg‘ona hududiy elektr tarmoqlari korxonasi” AJ tomonidan iste’molchilarning elektr ta’minotini yaxshilash, mavsumda elektr qurilmalarni betalafot va nuqsonsiz ishlashini ta’minlash maqsadida ijtimoiy soha obyektlarini 2019—2020-yillar kuz-qish mavsumiga tayyorlash bo‘yicha bir qator ishlar amalga oshirilmoqda.
“Farg‘ona hududiy elektr tarmoqlari korxonasi” AJ tomonidan elektr qurilmalarni ta’mirlash ishlari reja asosida bajarib kelinmoqda. Ushbu amalga oshirilayotgan ishlar sifatli bajarilishi “O‘zenergoinspeksiya” Farg‘ona hududiy bo‘limi tomonidan doimiy nazoratga olingan.
Shuningdek, viloyatdagi barcha ijtimoiy soha ob’ektlarining elektr ta’minotini 2019-2020-yillar kuz-qish mavsumiga tayyorgarligi o‘rganilib, aniqlangan kamchiliklarni zudlik bilan bartaraf etilishi bo‘yicha choralar ko‘rilmoqda, tegishli muassasalarning mas’ul xodimlariga tushuntirish ishlari olib borilmoqda.
Bundan tashqari, “O‘zenergoinspeksiya” Farg‘ona hududiy bo‘limi va “Farg‘ona hududiy elektr tarmoqlari korxonasi” AJ xamkorlikda, kuz-qish mavsumida inson hayoti uchun xavf soluvchi va qo‘lbola elektr qurilma va jihozlardan foydalanmaslik, elektr jihozlardan foydalanishda yong‘inni oldini olish va ulardan xavfsiz foydalanish, shuningdek, elektr energiyasidan oqilona va samarali foydalanish, uni iqtisod qilish bo‘yicha shiorlar, qo‘llanmalar (kalendar,flayerlar) ishlab chiqilgan.
Ushbu shiorlar va qo‘llanmalar yordamida ijtimoiy soha obyektlarida, mahallalarda, korxona va tashkilotlarda hamda boshqa odamlar ko‘p to‘planadigan va gavjum joylarda targ‘ibot va tashviqot ishlari olib borilmoqda.
“Farg‘ona hududiy elektr tarmoqlari korxonasi” AJMatbuot xizmati
Reklama huquqi asosida.
Izoh (0)