Ўзбекистон Республикаси Президентининг «Республика иқтисодиёти тармоқлари ва ижтимоий соҳани 2019—2020 йиллар куз-қиш даврида барқарор ишлашга комплекс тайёрлашни таъминлаш чора-тадбирлари тўғрисида»ги Қарори ижроси юзасидан «Ўзэнергоинспекция» Фарғона ҳудудий бўлими ҳамда «Фарғона ҳудудий электр тармоқлари корхонаси» АЖ томонидан истеъмолчиларнинг электр таъминотини яхшилаш, мавсумда электр қурилмаларни беталафот ва нуқсонсиз ишлашини таъминлаш мақсадида ижтимоий соҳа объектларини 2019—2020 йиллар куз-қиш мавсумига тайёрлаш бўйича бир қатор ишлар амалга оширилмоқда.
«Фарғона ҳудудий электр тармоқлари корхонаси» АЖ томонидан электр қурилмаларни таъмирлаш ишлари режа асосида бажариб келинмоқда. Ушбу амалга оширилаётган ишлар сифатли бажарилиши «Ўзэнергоинспекция» Фарғона ҳудудий бўлими томонидан доимий назоратга олинган.
Шунингдек, вилоятдаги барча ижтимоий соҳа объэктларининг электр таъминотини 2019-2020 йиллар куз-қиш мавсумига тайёргарлиги ўрганилиб, аниқланган камчиликларни зудлик билан бартараф этилиши бўйича чоралар кўрилмоқда, тегишли муассасаларнинг масъул ходимларига тушунтириш ишлари олиб борилмоқда.
Бундан ташқари, «Ўзэнергоинспекция» Фарғона ҳудудий бўлими ва «Фарғона ҳудудий электр тармоқлари корхонаси» АЖ хамкорликда, куз-қиш мавсумида инсон ҳаёти учун хавф солувчи ва қўлбола электр қурилма ва жиҳозлардан фойдаланмаслик, электр жиҳозлардан фойдаланишда ёнғинни олдини олиш ва улардан хавфсиз фойдаланиш, шунингдек, электр энергиясидан оқилона ва самарали фойдаланиш, уни иқтисод қилиш бўйича шиорлар, қўлланмалар (календарь,флаерлар) ишлаб чиқилган.
Ушбу шиорлар ва қўлланмалар ёрдамида ижтимоий соҳа объектларида, маҳаллаларда, корхона ва ташкилотларда ҳамда бошқа одамлар кўп тўпланадиган ва гавжум жойларда тарғибот ва ташвиқот ишлари олиб борилмоқда.
«Фарғона ҳудудий электр тармоқлари корхонаси» АЖМатбуот хизмати
Реклама ҳуқуқи асосида.
Изоҳ (0)