Namanganda 600 ming dollardan ortiq pulni xorijga noqonuniy olib chiqishga uringan shaxsga jinoiy ish qo‘zg‘atildi. Bu haqda “Daryo”ga DXXdagi manbalari ma’lum qildi.
Davlat xavfsizlik xizmati Namangan viloyati boshqarmasi xodimlari tomonidan o‘tkazilgan valyuta qimmatliklarining noqonuniy aylanmasiga qarshi kurashish tadbiri davomida “Namangan—Kosonsoy” yo‘nalishida harakatlanayotgan 40 yoshli Ne’matullo Vohidov boshqaruvidagi Captiva avtomashina “Gurmiron” MFY hududida to‘xtatilgan.
Avtomobil xolislar ishtirokida ko‘zdan kechirilganda uning salonida 605 ming 136 dollar borligi ma’lum bo‘lgan.
Mavzuga doir:Yunusobod tumani hokimining qurilish ishlari bo‘yicha o‘rinbosari 5 ming dollar pora bilan qo‘lga tushdi
Hozirda mazkur holat yuzasidan DXX Namangan viloyati boshqarmasi tomonidan Jinoyat kodeksining tegishli moddasiga muvofiq jinoyat ishi qo‘zg‘atilib, ushbu ishga aloqador boshqa shaxslarni aniqlash bo‘yicha ham zarur chora-tadbirlar ko‘rilmoqda.
Izoh (0)