“Kafil shou” ko‘rsatuvida Tracker yutib olgan fuqaro yutug‘ini ololmayotganidan norozilik bildirib, O‘zbekiston iste’molchilar huquqlarini himoya qilish jamiyatlari federatsiyasiga murojaat qildi.
Ma’lum bo‘lishicha, ohangaronlik Shaxriyor Abrorov 23-iyul kuni “Mahalla” telekanalida sug‘urta kompaniyasining “Kafil shou” ko‘rsatuvida ishtirok etib, Tracker avtomashinasini yutib olgan. Ammo shu kungacha yutug‘ini ololmagan.
Ushbu murojaat O‘zbekiston iste’molchilar huquqlarini himoya qilish jamiyatlari federatsiyasi xodimlari tomonidan o‘rganilgan. Federatsiya mutasaddilari “Kafil” sug‘urta kompaniyasiga borib, holatga aniqlik kiritgan.
Natijada Shaxriyor Abrorovga Tracker avtomashinasi olib berilgan.
Izoh (0)