Madridning “Real” klubi Yevropa Chempionlar Ligasi 3-turi doirasida “Galatasaroy” bilan bahs olib boradi.
Mundo Deportivo xabariga ko‘ra, agar Madrid klubi mazkur bahsda mag‘lub bo‘lsa, u holda jamoa bosh murabbiyi Zinedin Zidan iste’foga chiqariladi.
Uning o‘rniga esa ayni damda ishsiz bo‘lgan Joze Mourinyo va Massimiliano Allegridan biri olib kelinishi kutilmoqda.
Chempionlar Ligasida “Real” 2-turdan so‘ng 1 ochko bilan guruhda so‘nggi o‘rinni band etib turibdi. La Ligada esa “Barselona”dan 1 ochko kam jamg‘argan holda 2-o‘rinda bormoqda.
“Galatasaroy”—“Real” bellashuvi 22-oktabr kuni 00:00 da boshlanadi.
Yanada ko‘proq futbol va sport yangiliklaridan boxabar bo‘lishni istasangiz, “Daryo”ning Telegram’dagi rasmiy sport kanali — @daryo_sport’ga obuna bo‘ling!
Izoh (0)