Мадриднинг «Реал» клуби Европа Чемпионлар Лигаси 3-тури доирасида «Галатасарой» билан баҳс олиб боради.
Mundo Deportivo хабарига кўра, агар Мадрид клуби мазкур баҳсда мағлуб бўлса, у ҳолда жамоа бош мураббийи Зинедин Зидан истеъфога чиқарилади.
Унинг ўрнига эса айни дамда ишсиз бўлган Жозе Моуриньо ва Массимилиано Аллегридан бири олиб келиниши кутилмоқда.
Чемпионлар Лигасида «Реал» 2-турдан сўнг 1 очко билан гуруҳда сўнгги ўринни банд этиб турибди. Ла Лигада эса «Барселона»дан 1 очко кам жамғарган ҳолда 2-ўринда бормоқда.
«Галатасарой»—«Реал» беллашуви 22 октябрь куни 00:00 да бошланади.
Янада кўпроқ футбол ва спорт янгиликларидан бохабар бўлишни истасангиз, «Дарё»нинг Telegram’даги расмий спорт канали — @daryo_sport’га обуна бўлинг!
Изоҳ (0)