Futbol bo‘yicha Yevro—2020 musobaqasi saralash bosqichi 8-turi doirasida 15-oktabr, seshanba kuni guruhlarda bir nechta o‘yinlar nihoyalandi.
“F” guruhidan o‘rin olgan bahsda Robert Moreno qo‘l ostidagi Ispaniya terma jamoasi safarda Shvetsiya termasiga qarshi maydonga tushdi.
Bellashuvning 50-daqiqasida shvetsiyalik hujumchi Markus Berg hisobni ochgan bo‘lsa, 90-daqiqaga kelib Ispaniya vakili Rodrigo hisobni tenglashtirdi.
Shu tariqa o‘yin 1:1 hisobidagi durang natija bilan yakunlandi va jamoalar bir ochkodan bo‘lishib oldi.
Ma’lumot uchun, ispanlar 20 ochko jamg‘argan holda guruhda yetkachilik qilmoqda. Undan keyingi o‘rinda borayotgan Shvetsiya hisobida esa 15 ochko mavjud.
“F” guruhidagi holat:
Shu kuni “J” guruhida esa Roberto Manchini boshqaruvidagi Italiya terma jamoasi mehmonda Lixtenshteyn termasini sinovdan o‘tkazdi.
Uchrashuv davomida Italiya termasi a’zolari Federiko Bernardeski (2), Andrea Belotti (70, 90), Alessio Romanyoli (77) hamda Stefan al-Shaaravi (82) birin-ketin raqib darvozasini ishg‘ol qildi.
Shu tariqa italiyaliklar safarda kechgan bahsda Lixtenshteyn darvozasiga javobsiz 5 ta gol urib, navbatdagi g‘alabasini tantana qildi.
Mazkur g‘alabadan so‘ng Italiya ochkolari sonini 24 taga yetkazib oldi va guruhda yaqqol peshqadamga aylandi. So‘nggi o‘rinni band qilgan Lixtenshteyn esa 2 ochko to‘plagan.
“J” guruhidagi holat:
Yevro—2020
Saralash bosqichi
8-tur bahslari
15-oktabr, seshanba
“D” guruhi
Gibraltar—Gruziya 2:3
Gollar: 0:1 — 10 Xaraishvili, 0:2 — 21 Kankava, 1:2 — 66 Kassiaro, 2:2 — 74 Chipolina, 2:3 — 84 KvilitayaShveysariya—Irlandiya 2:0
Gollar: 1:0 — 16 Seferovich, 2:0 — 90, avtogol Daffi“F” guruhi
Farer orollari—Malta 1:0
Gol: 1:0 — 71 BaldvinssonRuminiya—Norvegiya 1:1
Gollar: 1:0 — 62 Mitritse, 1:1 — 90 SerlotShvetsiya—Ispaniya 1:1
Gol: 1:0 — 50 Berg, 1:1 — 90 Rodrigo“G” guruhi
Isroil—Latviya 3:1
Gollar: 1:0 — 16 Dabbur, 2:0 — 26 Zaxavi, 2:1 — 40 Kamesh, 3:1 — 42 Dabbur“J” guruhi
Finlyandiya—Armaniston 3:0
Gollar: 1:0 — 31 Yensen, 2:0 — 61 Pukki, 3:0 — 88 PukkiGretsiya—Bosniya va Gersegovina 2:1
Gollar: 1:0 — 30 Pavlidis, 1:1 — 35 Goyak, 2:1 — 88, avtogol KovachevichLixtenshteyn—Italiya 0:5
Gol: 0:1 — 2 Bernardeski, 0:2 — 70 Belotti, 0:3 — 77 Romanyoli, 0:4 — 82 Al-Shaaravi, 0:5 — 90 BelottiYanada ko‘proq futbol va sport yangiliklaridan boxabar bo‘lishni istasangiz, “Daryo”ning Telegram’dagi rasmiy sport kanali — @daryo_sport’ga obuna bo‘ling!
Izoh (0)