O‘zbekiston Harbiy sudining tegishli hukmiga ko‘ra, sobiq MXX xodimi Nodir To‘raqulov va uning qudasi Erkin Norqobilov tomonidan jinoiy faoliyatidan olingan daromadlarni legallashtirish orqali orttirilgan mulklar birin-ketin sotuvga qo‘yilmoqda. Xususan, yana bir metan gaz quyish shoxobchasi sotuvga qo‘yildi, deb yozadi “Xabar.uz”.
O‘tgan hafta Erkin Norqobilovga tegishli “Jarqo‘rg‘on-Servis-Texnika” MChJning Sho‘rchi tumanida joylashgan “Avtomobillarga texnik xizmat ko‘rsatish hamda ko‘p tarmoqli yoqilg‘i quyish shoxobchasi” auksion savdoda sotilgani haqida xabar berilgandi.
Endi qudalarga tegishli yana bir mulk — “Surxon-Angor-Servis-Texnika” MChJ balansidagi Boysun tumanida joylashgan “Avtomobillarga siqilgan gaz quyish kompressor stansiyasi” onlayn auksion savdosida xaridorini kutmoqda.
Mazkur obyekt 14 milliard 420 million 239 ming so‘m boshlang‘ich narx bilan 24-sentabr kuni savdoga chiqarilgandi. Biroq 11-okabr kuni bo‘lib o‘tgan auksionda xaridor topilmaganligi sabab 30-oktabr kuni takroran savdoga qo‘yildi.
Majburiy ijro byurosiga ko‘ra, savdodan tushgan pul mablag‘lari davlat daromadiga yo‘naltiriladi.
Izoh (0)