BMTning Afg‘onistonga ko‘mak berish bo‘yicha missiyasi (UNAMA) mamlakatda o‘tkazilgan prezidentlik uchun saylovlar kunlarida, shuningdek, saylovoldi tadbirlar vaqtida ekstremestik guruhlar tomonidan o‘ldirilgan tinch aholi vakillarining soni 80 nafardan ortiq ekanligini e’lon qildi. Bu haqda “TASS” xabar berdi.
Missiya ma’lumotiga ko‘ra, sentabrda o‘tgan saylovlarda terrorchilar uyushtirgan hujumlar natijasida 85 nafar afg‘onistonlik o‘ldirilgan. Terrorchilar uyushtirgan teraktlarda Kobulda va mamlakatning boshqa viloyatlarida 373 nafar odam turli tan jarohatlari olgan va yaralangan.
UNAMA vakillari Afg‘onistonda saylovlar kunida ektremistik guruhlar uyushtirgan hujumlar natijasida 28 nafar odam halok bo‘lganligi va 249 nafar fuqaro jarohatlanganligini ta’kidlagan.
Mavzuga doir:
- Afg‘onistonda prezident saylovlari kunida uyushtirilgan hujumlarda 32 nafar odam halok bo‘ldi
- Afg‘onistonda terrorchilar prezidentning saylovoldi chiqishi vaqtida portlashni amalga oshirdi. 25 nafar odam halok bo‘ldi
- Afg‘onistonda “Tolibon” kasalxona yaqinida terakt uyushtirdi. 20 kishi halok bo‘lgan, 100 ga yaqin odam yaralangan
Saylovlarning dastlabki natijalari 19-oktabrda, yakuniy natijalari esa 7-noyabrda e’lon qilinishi mumkin. Agar nomzodlar yetarli darajada ovoz to‘play olmasa, u holda 2-tur joriy yilning 23-noyabrida o‘tkaziladi.
Mavzuga doir:
Izoh (0)