Suriyadagi AQSh qo‘shinlari Turkiya artilleriyasi tomonidan o‘qqa tutildi. Bu haqda Pentagon ma’lumotlariga asoslanib “Interfaks” xabar berdi.
Pentagon Turkiyadan “shoshilinch himoyalanish harakatlari”ni talab qilishi mumkin bo‘lgan barcha operatsiyalarni to‘xtatishni talab qilib chiqdi.
Ta’kidlanishicha, o‘qqa tutish 11-oktyabr kuni mahalliy vaqt bilan 21:00 da Kobani shahrida ro‘y bergan. Portlash xavfsizlik hududidan bir necha yuz metr narida ro‘y bergan va turk harbiylari u yerda AQSh kuchlari borligini bilgan.
O‘z navbatida, Turkiya mudofaa vazirligi AQSh kuzatuv punkti o‘qqa tutilishida ayblovlarni rad etdi. Shu bilan birga, Qo‘shma Shtatlar tomonidan xavotirli xabar olinganidan so‘ng artilleriya zarbalari to‘xtatilgan.
CNN telekanaliga ko‘ra, amerikalik harbiylar turklar tomonidan o‘qqa tutish natijasida jabrlanmagan.
Izoh (0)