Путиннинг сўзларига кўра, у Тунбергнинг гапларидан умумий таассурот олганини қайд этди.
«Ҳеч ким Гретага замонавий дунё ранг-баранг ва мураккаблигини, Африка ёки Осиё мамлакалатларида яшовчи одамлар ҳам Швециядаги каби шароитларда яшашни орзу қилишини тушунтирмаган», — дейди Путин.
Мавзуга доир: БМТ бош конференциясида нутқ сўзлаб катта шов-шувга сабаб бўлган қизалоқ Грета Тунберг ким ва у нимага эришмоқчи?
1 октябрь, сешанба куни Россия либерал демокартик партияси 24 ёшли депутати Василий Власов Швеция элчихонасига хат юборган ва Грета Тунбергни Россия қуйи палатасида нутқ сўзлашга чақирган. Сиёсатчи ўз мактубида Тунбергнинг иродаси ва ташаббускорлигидан ҳайратга тушгани ва рус ёшларини ҳам экологик муаммолар ташвишга солишини ёзган. Аммо орадан ҳеч қанча вақт ўтмай Давлат думаси ҳеч бир депутат бундай ўзбошимчалик қилмаслиги кераклиги ва бу каби қарорлар Дума кенгашида ўрганиб чиқилишини маълум қилган.
23 сентябрда Тунберг БМТ саммитида иқлим ўзгаришлари ҳақида таъсирли нутқ сўзлаган ва давлатлар раҳбарларини ушбу жараёнга бефарқликда, ўз болалигини тортиб олганликда айблаганди. Унинг сўзларига кўра, яхлит экотизимлар нобуд бўлмоқда ва замонавий сиёсатчилар ушбу муаммони ҳал этмаса, масала ечими у билан тенгдош авлодлар зиммасига тушади.
Изоҳ (0)