Тошкент вилояти, шаҳар ва туманлари ҳудудларида пиёдалар иштирокидаги ЙТҲнинг олдини олиш ҳамда серқатнов йўллар ва чорраҳаларда пиёдалар учун белгиланган жойлардан юришларини тартибга солиш мақсадида бир кунлик «Диққат, пиёда!» профилактик тадбири ўтказилди. Бу ҳақда Тошкент вилояти ЙҲХБ матбуот хизмати хабар берди.
Жорий йилнинг шу давригача пиёдалар иштирокида 317 та йўл ЙТҲ содир бўлган.
Уларнинг 38 фоизи айнан пиёданинг йўл ҳаракати қоидаларига амал қилмаслиги оқибатида келиб чиққан. 47 та ҳолатда эса пиёда маст ҳолатда бўлганлиги маълум бўлди, дейилади хабарда.
Тадбирда давомида қоидабузарлик содир этганлиги аниқланган фуқароларга нисбатан, тушунтириш ишлари олиб борилиб, маъмурий баённомалар расмийлаштирилди. Кун мобайнида Тошкент вилояти ЙПХ инспекторлари томонидан пиёдаларга нисбатан 296 та маъмурий баённома расмийлаштирилиб, Ўзбекистон Республикаси Маъмурий жавобгарлик тўғрисидаги кодексининг 138-моддасига кўра 277 нафар фуқарога нисбатан жами 22 миллион 76 минг 10 сўм жарима маблағлари белгиланди.
Қоидабузар пиёдаларни туман-шаҳарлар кесимида таҳлил қилинганда, Бекобод тумани 34 та, Нурафшон шаҳри 29 та, Чирчиқ шаҳри 27 та ва Оҳангарон шаҳрида 22 тага тўғри келган.
Изоҳ (0)