O‘zbekistonda 2019-yilning 1-oktabridan “Qarshi”, “Nukus”, “Termiz” va “Buxoro” xalqaro aeroportlarida “Ochiq osmon” tartibi ishga tushdi.
Prezidentning joriy yil 13-avgustdagi “O‘zbekiston Respublikasida turizm sohasini yanada rivojlantirish chora-tadbirlari to‘g‘risida”gi farmoni bilan 1-oktabrdan “Qarshi”, “Nukus”, “Termiz” xalqaro aeroportlarida “beshinchi havo erkinligi”ni qo‘llagan holda “Buxoro” xalqaro aeroportida “beshinchi havo erkinligi”ni xorijiy davlatlar fuqarolarini tashishda qo‘llagan holda “Ochiq osmon” tartibini joriy etish belgilangan.
Bu tartibning asosiy tamoyillari nafaqat tranzit parvozlar uchun huquq taqdim etish, balki hukumatning yo‘nalishlar hamda aviakompaniyalarning narx hosil qilish va belgilash jarayonlariga aralashmaslik, shuningdek, samolyotlar va ularning quvvati turlariga doir cheklovlarning yo‘qligini anglatadi.
Jahon tajribasida kuzatilganidek, “Ochiq osmon” siyosatining qo‘llanilishi yo‘lovchi tashishni o‘rtacha 35 foizga oshirish, aviachiptalar narxini 20 foizdan 40 foizgacha pasaytirish imkonini beradi. Shuningdek, minglab yangi ish o‘rinlari yaratiladi.
Izoh (0)