Majburiy ijro byurosi Farg‘ona viloyati boshqarmasi 26-sentabr, payshanba kuni Farg‘ona, Marg‘ilon, Qo‘qon shahar bo‘limlari ish yurituvidagi davlat foydasiga musodara qilinishi belgilangan tovar moddiy boyliklarini sotish uchun aholi gavjum joylarda savdo yarmarkalarini tashkil qildi. Bu haqda “Daryo”ga Majburiy ijro byurosi matbuot xizmati xabar berdi.
Ma’lum qilinishicha, yarmarkalarda viloyat bo‘yicha jami 43,5 million so‘mlik tovar moddiy boyliklar sotilgan.
Shuningdek, Farg‘ona shahar bo‘limi tomonidan 27 million so‘m, Marg‘ilon shahar bo‘limida 11 million so‘m, Qo‘qon shahar bo‘limi 5,5 million so‘mlik mol-mulklar sotilib, davlat daromadiga o‘tkazilgan.
Izoh (0)